ویب ڈیسک – پاکستان کے آرمی چیف جنرل قمر جاوید باجوہ نے آج مشہور قوال امجد صابری کے قاتلوں سمیت 10 دہشتگردوں کی سزائے موت کی توثیق کر دی۔
آئی ایس پی آر کے مطابق یہ تمام لوگ دہشتگردی
کی کارروائیوں میں ملوث ہیں ۔دہشتگرد معصوم شہریوں،پشاور کے ایک ہوٹل، مسلح افواج اور قانون نافذ کرنے والے اداروں پر حملے میں ملوث ہیں۔آئی ایس پی آر کے مطابق ان دہشتگردوں میں معروف قوال امجد صابری کے قاتل بھی شامل ہیں ۔آئی ایس پی آر کے مطابق تمام دہشتگردوں کا تعلق کالعدم تنظیموں سے ہے۔