بھارت: ٹرین نے سکول بس کو کچل دیا، 13 بچے ہلاک

ویب ڈیسک – بھارت میں سکول کے بچوں کو لے جاتی بس ریلوے کراسنگ پر آتی ٹرین کے زد میں آ گئی جس سے 13 بچے موقع پر ہی ہلاک ہو گئے جبکہ 8 شدید زخمی ہو گئے ہیں۔

تفصیلات کے مطابق آج صبح 7.30 پر بھارت کے شہر گورکھپور میں کوشی نگر کے علاقہ میں ریلوے کراسنگ پر سکول کی بس جلد بازی میں پڑی کراس کرنے لگی لیکن ایک طرف سے آتی ٹرین کی زد میں آگئی۔ بس ڈرائیور کی جلد بازی کی وجہ سے ٹرین نے بس کے پرخچے اڑا دیئے۔ بس میں سوار سکول جاتے بچوں میں سے 13 موقع پر ہی ہلاک ہو گئے جبکہ 8 شدید زخمی ہو گئے۔

بس میں 20 بچے سوار تھے، زخمیوں اور لاشوں کو قریبی ہسپتالوں مین منتقل کر دیا گیا، جبکہ حکام نے حادثے کی وجہ جاننے کے لیے تحقیقات شروع کر دی ہیں۔

Source