مانیٹرنگ ڈیسک – مسلم لیگ کے رہنما خواجہ آصف کو اسلام آباد ہائیکورٹ نے آج تاحیات نااہل کیا تو تحریک انصاف کی خوشی کی انتہا نہ رہی، کارکنوں اور رہنمائوں نے ایک دوسرے کو مبارکبادیں دیں اور منہ میٹھے کروائے۔
چئیرمین تحریک انصاف عمران خان نے بھی ٹویٹ کر کے اپنے دل کی بھڑاس نکالی اور لکھا کہ آج گاڈ فادر کا ایک اور درباری نااہل ہو گیا۔ عمران خان نے لکھا کہ اللہ الحق ہے۔ خواجہ آصف نے شوکت خانم کو نشانہ بنایا اور آج دنیا میں سرعام رسوا ہو رہا ہے۔
Another darbari of the Godfather disqualified on the same pattern – using iqama to shield corruption & indulge in money laundering – as well as being guilty of brazen conflict of interest. Allah Al Haq hai – Kh Asif targeted SKMTH & has been publicly humiliated here & abroad
— Imran Khan (@ImranKhanPTI) April 26, 2018
آج اسلام آباد ہائی کورٹ نے اقامہ کیس میں پاکستان کے وزیر خارجہ خواجہ آصف کو تا حیات نا اہل قرار دے دیا۔ پی ٹی آئی کے رہنما عثمان ڈار کی درخواست پر اسلام آباد کی عدالت نے کیس کا فیصلہ سناتے ہوئے خواجہ آصف کے سیاست میں حصہ لینے پر تاحیات پابندی لگا دی۔
خواجہ آصف بھی نواز شریف کی طرح نااہل، میچ فکس تھا مریم نواز
خواجہ آصف پر الزام تھا کہ ان کے پاس اماراتی کمپنی کا اقامہ تھا جو کہ انہوں نے اپنے اثاثوں میں ظاہر نہیں کیا، مزید بر آں کہ خواجہ آصف متعلقہ کمپنی سے 50 ہزار درہم ماہانہ تنخواہ بھی وصول کرتے تھے جو انہیں نے الیکشن کمیشن میں ظاہر نہیں کی۔ پاکستان کے آئین کے مطابق ہر الیکشن لڑنے والا شخص اپنے سارے اثاثے اور آمدن کے ذرائع ظاہر کرنے کا پابند ہوتا ہے۔