کرپشن الزامات، ملائیشیا کے سابق وزیراعظم کے ملک چھوڑنے پر پابندی

ویب ڈیسک – ملائیشیا میں 92 سالہ مہاتیر محمد کے اقتدار میں آتے ہیں کرپشن کے خلاف کارووائی شروع کر دی گئی ہے۔  ملائیشیا کے سابق وزیراعظم نجیب رزاق اور ان کی اہلیہ روسماہ منصور کے بیرون ملک سفر پر پابندی عائد کردی گئی ہے۔

بین الاقوامی خبر رساں ادارے کے مطابق ملائیشیا کے سابق وزیراعظم نجیب رزاق اور ان کی اہلیہ کے بیرون ملک سفر پر غیر معینہ مدت کے لیے پابندی عائد کردی گئی ہے۔

 ڈائریکٹر امیگریشن نے ملک کے تمام ایئرپورٹس کو اس حوالے سے ہدایات جاری کردی ہیں۔ سابق وزیراعظم نجیب اور ان کی اہلیہ کو کرپشن مقدمات کا سامنا ہے۔

مہاتیر محمد دنیا کے معمر ترین منتخب حکمران بننے کی راہ پر

سابق وزیراعظم نجیب رزاق نے سفری پابندی پر ردعمل دیتے ہوئے میڈیا کو بتایا کہ امیگریشن ڈپارٹمنٹ نے مجھے اور اہل خانہ کو بلیک لسٹ کرنے کے فیصلے سے آگاہ کیا ہے۔ میں ملکی قوانین کا احترام کروں گا اور سرکار کے اگلے حکم تک اپنے اہل خانہ کے ہمراہ بیرون ملک سفر نہیں کروں گا اور ملک ہی میں رہوں گا۔

واضح رہے کہ ملائیشیا کے سابق وزیراعظم نجیب رزاق اور ان کی اہلیہ پُرتعیش طرز زندگی، برانڈڈ چیزوں کے استعمال اور بیرون ملک مہنگی شاپنگ کے لیے شہرت رکھتے ہیں جس کی وجہ سے ان کی عوامی مقبولیت کو شدید دھچکا پہنچا اور ان کے اتحادی حالیہ انتخابات میں ناکام ہو گئے۔

سوشل میڈیا پر بھی ایک ویڈیو زیر گردش ہے جس کے بارے میں شبہ کیا جا رہا ہے کہ ملائیشیا کے سابق صدر کے گھر چھاپے کے دوران برآمد ہونے والی نقدی اور قیمتی اشیا ہیں۔

source 

تبصرہ کریں

Your email address will not be published. Required fields are marked *