اسلام آباد – وفاقی دارالحکومت کے ہسپتال پمز میں داخل سزایافتہ سابق وزیراعظم نوازشریف کے ڈاکٹروں نے مشورہ دیا ہے کہ ان کا علاج وہی ڈاکٹر کر سکتے ہیں جنہوں نے ان کے دل کا بائی پاس آپریشن کیا۔ ڈاکٹروں کا کہنا تھا کہ مریض کی میڈیکل ہسٹری نہ ہونے کی وجہ سے علاج لندن میں ہی بہتر ہو سکتا ہے۔
سابق وزیر اعظم نواز شریف کو گذشتہ رات اڈیالہ جیل میں طبیعت بگڑ جانے پر پمز ہسپتال منتقل کیا گیا تھا۔ نوازشریف کے خون کی روانی میں مسئلہ آیا تھا جس سے انہیں بازو اور سینے میں تکلیف محسوس ہوئی جبکہ ان کی ای سی جی بھی ٹھیک نہیں آئی۔
وازشریف کو سخت سیکیورٹی میں اڈیالہ جیل سے پمز ہسپتان منتقل کیا گیا۔ جہاں پرائیویٹ کمروں کی وارڈکے فلور کو نوازشریف کے لئے مختص کر دیا گیا ۔ نوازشریف کی ہسپتال آمد کے بعد پمز کے باہر مسلم لیگ ن کے کارکن اکٹھے ہو گئے اور نعرے بازی شروع کر دی۔