وزیراعظم عمران خان کی ایران کو شدید سیلاب سے نمٹنے کیلئے تعاون کی پیشکش

وزیراعظم عمران خان نے ایران کوشدید سیلاب سے نمٹنے کیلئے انسانی ہمدردی کی بنیاد پر بھرپور تعاون کی پیشکش کی۔

سماجی رابطے کی ویب سائٹ ٹوئٹر پر اپنے پیغام میں وزیراعظم عمران خان نے کہا کہ ایران کے عوام بدترین سیلاب سےمتاثر ہوئے ہیں۔

اس مشکل گھڑی میں ہماری دعائیں اورہمدردیاں ایران کے لوگوں کے ساتھ ہیں۔وزیراعظم نے کہا کہ انسانی ہمدردی کی بنیاد پرایرانی بھائیوں کی امداد کے لئے تیارہیں۔

یاد رہے کہ برادر اسلامی ملک ایران اس وقت شدید سیلابی صورتحال سے دوچار ہے۔ اس بات کا اندازہ اس بات سے لگایا جا سکتا ہے کہ ایران میں موجود ڈیم میں 50 سال بعد پانی چھوڑ گیا ہے۔