7 ممالک میں کامیاب آزمائشی سروس کے بعد پاکستان پوسٹ کی خدمات پوری دنیا تک وسیع کرنے کا فیصلہ

ویب ڈیسک:محکمہ ڈاک نے 7 ممالک میں کامیاب آزمائشی سروس کے بعد پاکستان پوسٹ کی خدمات پوری دنیا تک وسیع کرنے کا فیصلہ ۔ وزیر مواصلات و پوسٹل سروسز مراد سعید نے کہا ہے کہ پاکستان پوسٹ آج سے پوری دنیا کیلئے ای ایم ایس پلس سروس کا آغاز کرے گا، ان خیالات کا اظہار انھوں نے اپنے ایک بیان میں کیا۔
وزیر مواصلات و پوسٹل سروسز مراد سعید کا کہنا تھا کہ محض 72 گھنٹوں کے کم وقت میں امریکا، کینیڈا، آسٹریلیا، سعودیہ، امارات، انگلینڈ، جاپان سمیت 50 ممالک میں سامان کی محفوظ ترسیل کی جائے گی۔ سامان کی ترسیل کے اخراجات بھی دیگر نجی کمپنیوں سے کہیں کم وصول کیے جائیں گے، نادرا کے ساتھ مل کر پاکستان پوسٹ فرنچائز کی یہ سروسز پیر سے فعال ہو جائیں گی، انھوں نے کہا کہ چند ماہ کی قلیل مدت میں فرنچائزز کی تعداد 15 ہزار سے تجاوز کرنے کے امکانات نہایت روشن ہیں، ملک بھر کے 170 شہروں میں نادرا کی 611 فرنچائزز کی نشاندہی کر چکے ہیں، مراد سعید نے کہاکہ ’’پاکستان پوسٹ، سب کا دوست‘‘ کے سلوگن کے تحت اسے صحیح معنوں میں قومی اثاثہ بنائیں گے۔